Tuesday, 28 July 2026

குரு நமச்சிவாயர்

 அக தரிசனம் அருளும் குரு நமச்சிவாயர்  


வாழ்நாள் பாக்கியம் இந்நூல்


ஓம் சிவாயநம. ஞானத் தபோதனரை வாவென்று அழைக்கும் அண்ணாமலையில் நமச்சிவாய மூர்த்தி என்று ஒரு சிவயோகியார் எழுந்தருளியிருந்தார். அவர் அண்ணாமலையில் ஒரு குகை இயற்றிச் சிவயோகத்தில் இருந்து வந்தமையால் குகைநமச்சிவாயமூர்த்தி எனக் கூறப்பட்டனர். அவர் அக்குகையின் பக்கத்தில் வளர்ந்தோங்கி இருந்த ஓர் ஆலமரத்தில் ஊஞ்சல் இட்டு, அதில் யோக நித்திரை கொள்வது வழக்கம். அவருக்கு நமச்சிவாயர் என்றொரு மாணவர் இருந்தார். அவர் ஞானாசிரியரின் அருகேயிருந்து அன்புடன் பணி செய்து கொண்டிருந்து பிற்காலத்தில் குருநமச்சிவாயர் என தமது குருவினால் அருளாசி பெற்று. சிதம்பரம் அனுப்பப் பெறுதல் வரலாறும்; அவர் இயற்றிய 100 பாடல்களும் மானிட சமூகத்துக்கு அக தரிசனம் தருவன.

இந்நூலினை முதன்முதலில் பசவராஜ் எனும் அன்பர் திருப்பாற்கடலில் 1980 களில் பகிர்ந்தார். மிகவும் பழைய நூலாக இருந்தது. சில பிரதிகள் மட்டுமே உள்ளன என்றார். பச்சை எழுத்துகளில் நூல் அச்சிடப்பட்டிருந்தது.

அதனை மறு ஆக்கம் செய்வேன் என அப்போது எண்ணவில்லை. காப்பாற்றி வைத்திருந்தேன்.  சிதம்பரத்தின் மாபெரும் வரலாறு எழுதினால் அடியார்களாகிய குரு நமசிவாயர் ஜீவ சமாதியிலிருந்தே தொடங்கும் என அந்நூல் உணர்த்தியது. 

குருபூர்ணிமா நாளில் நிறைவு செய்துள்ளேன். நூலாக வெளிவருவது காலத்தின் கையில் உள்ளது.

No comments:

Post a Comment