கொல்லைப்புறம்

               
பெண்களுக்கு
முன் வாசலை விடவும் சுதந்திர பூமி
வீட்டின் பின் கொல்லையில் அமர்ந்து பேசுவது தான்.
அதிலும் தோய்க்கிற கல் வைத்த கொல்லை சிறப்பானது
குடும்ப சுமைகளை
 உண்மை பொய் கலந்து கிசுகிசுத்து
இரவும் பகலுமாக  கலந்த குரலில் அங்கலாய்த்து விட்டு
அரக்கப் பரக்க கடுகு வெடிக்க
சமையலில் மீண்டும் சங்கமம் ஆகும் போது
அத்தனை சோகமும் பதிந்த தோய்க்கிற கல்லில்
பாதி கனிந்து விடும்.