காந்திபென்சில்

நண்பர் தந்தார் சிறிய ஆரஞ்சு பென்சில் ஒன்றை
கட்டை விரல் நீளம் கருப்பு கூர் மூக்கு
அது எத்தனை உதவி நினைவுக்கு
அது எத்தனை அவசியம் ஒரு பதிவுக்கு
ரப்பர் போட்டு அழிக்கும் வரை நினைவிலிருக்கும்
துண்டு பென்சிலின் உதவியே அத்தனை பெரிது
கையிலிருந்த பென்சிலைப்பார்த்தேன்
மகாத்மா காந்தி முன்னாளில் பொதுக்கூடம் கிளம்பும் முன்னர்
அவசர அவசியமாய் தேடிய
பென்சிலின் நீளமும் இதுவே தான் இருக்குமோ
சின்ன சின்ன பொருட்கள் உலகில் பெரிய பெரிய இருப்பிடம்
பென்சிலை பேசும்குரல் கேட்டது
“என்னைத் தொலைக்கலாம் சிறிது சிறிதாய் சீவலாம்
காந்தி நினைவோ
இந்தியாவின் நீளம் அகலம் ஆழம் உயரம் அனைத்தும்”