மங்கல இசைக் கலைஞன்

எத்தனை இனிய நாயன இன்னிசை ஆலாபனை
எத்தனை மேளவகைத் தொடர் ஆரோகணம்
எத்தனை சுருதி சேர்ப்பு ஜாலரா மெல்லிய சேர்ப்பு
அத்தனையும் யார் ரசித்தார் திருமண மண்டபத்தில்
அவரவர் பரபரப்பு இரைச்சலில் அலைகின்றனர்
எதையும் காணவில்லை நாயனக் கலைஞன்
மேளக்காரர் தலைரசிப்பு மட்டும்தான் தனக்கு எனும்
அவநம்பிக்கை கொள்ளவில்லை அவன்
தன் இசையில் தானே லயித்து
தன் படைப்பை தனக்கே சுத்தமுடன் ரசிப்புடன்
திருமண மண்டபக்காற்றில் மிதக்கவிடும் கலையாக  இரு
கலைஞனாக இரு
ஏ மனமே உனக்கிது கூறினேன்
நீ பாடு ஆனந்தமாய்
கேட்போர் உள்ளனர் வாழ்க்கை பரபரப்பு மண்டபத்தில்
சர்வ நிச்சயம்!