நேரில் சென்று சொல்ல ஆசைப்பட்டேன் வாழ்த்தாக
ஒரு நாள் லீவாகும்
எட்டுமணிநேரப்பயணம் ஆகும்
செலவாகும்
சுற்றியுள்ள வேலைகள் பிடுங்கித்தின்கின்றன
இத்தனையும் தாண்டி வந்தேன் என சொன்னாலும் வருந்துவார்
சொல்லவும் விடாது என் இதயம்
பேசிவிடலாம் என செல் எடுத்தேன்
பிறந்த நாள் எனச்சொல்தல் இறப்புக்கு அருகில் என
நினைவூட்டி விடுமோ என்றும் அச்சம் அமுக்க
அவரோ தன்னை மறந்த பட்டமாய்
அடுத்தடுத்த தலைப்புகளில் நெல்லிமூட்டையாய் அவிழ்க்க
வாழ்த்துகள் என்று ஒற்றைச்சொல் முனகியபோது
எதற்கு என்று கூட கேட்கவில்லை
பிறந்தநாள் கொண்டாடி பழக்கமே படாத அப்பா!
No comments:
Post a Comment