சார்பு

  
அன்றும் இன்றும்
பறவைதான் அநியாயத்தை முதலில் அறிகிறது
சீதை கடத்தும் இராவணன் மார்புக் கவசம் அறுத்தது ஜடாயு
காது குண்டலங்களை அறுத்தது ஜடாயு
இராவணன்  வில்லினைப் பறித்து வானில் எறிந்தது ஜடாயு
இராவணன் தேர் நகரவிடாமல் சிறகு பரப்பிற்று ஜடாயு
இராம இலக்குவனுக்கு செய்தி செப்பும் வரை உயிர் விடவில்லை
இன்றும் சிட்டுக்குருவிகள்
ஜடாயு சார்பாக
இயற்கை எனும் சீதை காக்க
பாலிதீன் பையை கொத்தி எறிகிறது
வானிலோ மின் கம்பித்தடத்திலோ அலைந்து
அது வாடுகின்றதோ இல்லை எச்சரிக்கின்றதோ !

(இலக்கியச் சிறகு இதழில் வெளிவந்த கவிதை)
*****