பிஞ்சுப் பாதங்கள்.

இரண்டு மணிநேரம் பயணித்து
எட்டு மணி நேர வேலைக்குப்பிறகு
வீட்டுக்கு வந்தால்
கிருஷ்ணராவது
ஜெயந்தியாவது என்று
கட்டாம்தரையாக இருந்த மனசில்
கிருஷ்ணரின் பாலபருவம் பதிகிறது
சிறுவயதில் பெரும்ஞானம் அவனுக்கெனப் புரிகிறது
என் மனைவி-
அரிசிமாவு கரைசலில்
கிருஷ்ணர் கால்கள் வரையும்போது!
அதில் இன்னொன்றும் தெரிகிறது
எது நம்மிடம் இருக்கிறதோ
அதில் கிருஷ்ணன் வாழ்கிறான்.