நான் ஒளவை பேசுகிறேன் (  14) 12.12.25 

*************************************************

பாடல் 14.  

****************

கவையாகிக் கொம்பாகிக் காட்டகத்தே நிற்கும்

அவை அல்ல நல்ல மரங்கள் - சபை நடுவே

நீட்டு ஓலை வாசியா நின்றான் குறிப்பறிய

மாட்டாதவன் நல் மரம்.

ஏ மனிதர்களே! 

கிளைவிரித்து பல கொம்புகளுடன் உயர்ந்த மரங்கள் நல்ல மரங்கள் என்று நான் கூற மாட்டேன். அவற்றை விட்டுவிடுங்கள்.

அறிஞர்கள் சபையில் தரப்பட்ட ஏடுகளின் குறிப்புகளை உள் அர்த்தம் உணர்ந்து கொள்ள இயலாதவன் நல்ல மரம் என்பேன். அவனை மரம் என்று சொல்லுங்கள்.