டூ வீலர்
சாலைப்பள்ளத்தில் குதித்து திடுமென அறுந்தது
டூ வீலர் பல்சக்கரத்தின் செயின்
என் வண்டிப்பெட்டியில்
வண்டி இயங்கவோ நகர்த்தவோ
முதல் உதவி செய்யவோ
எந்த ஒரு கருவியும் இல்லை
கை நீட்டி உதவிகேட்டால் பலர் நிறுத்தவில்லை
உதவ வந்த சிலரிடமும் யோசனைகள் மட்டுமே இருந்தன
சரி செய்யும் கருவிகள் இல்லை
எப்படி ஒரு தூக்க மனோ நிலை !
நாம் ஓட்டும் வண்டி சரிசெய்ய நமக்கே ஞானமில்லை
அக்கறையில்லை
வருந்திக்கொண்டிருந்தேன்
டூ வீலர் பேசியது கேட்டது
“உன் உடம்பையே அப்படித்தானே வைத்திருக்கிறாய்!”
டூ வீலர் ஓட்டும் டூவீலர்
என்று முணுமுணுத்தேன் வருத்தமாய்.
No comments:
Post a Comment